Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 64

Llyfr Blegywryd

64

TEir sarhaet gỽreic ẏnt; vn
a|drẏcheif. Ac vn a ostỽg. Ac
vn ẏssẏd sarhaet gỽbẏl.
Kẏntaf ẏỽ; bot genthi o|e|h+
anuod. a honno gan vn drẏchauel ẏ|te+
lir. Ac os gỽrẏaỽc vẏd; herỽẏd breint
|gỽr ẏ|telir idi. r eil ẏỽ; rodi cussan
idi o|e hanuod. A|honno a ostỽc. ẏ|traẏ+
an a|uẏd eisseu. Trẏdẏd ẏỽ; ẏ|phalua+
lu o|e hanuod; a honno ẏssẏd sarhaet
gỽbẏl. TRi chewilẏd kenedẏl ẏnt;
ac o achaỽs gỽreic ẏ|maent. LLathru  ̷+
daỽ gỽreic o|e hanuod. Eil ẏỽ; dỽẏn o|r
gỽr gỽreic arall ar||phenn ẏ|r tẏ. Tr ̷+
ẏd ẏỽ; ẏ|hẏsbeilaỽ. TRi chatarn enll+
ipp gwreic ẏnt. vn ẏỽ; gỽelet ẏ|gỽr
a|r wreic ẏn dẏuot o|r vn llỽẏn vn o|bop
parth idaỽ. Eil ẏỽ; eu caffel ell deu dan
vn vantell. Trẏdẏd ẏỽ; gỽelet y gỽr y+
rỽg deu|vorddỽẏt ẏ|wreic. Tri chyff+
ro dial ẏssẏd; diasbeidein caresseu a gwe+
let elor eu car. A gỽelet bed eu car heb ẏ
ẏmdifỽẏn. TRi pheth a|haỽl dẏn ẏn
llet*. ac nẏ|chein* lletrat ẏndaỽ. Adeil.
A|diot coet. Ac eredic.