Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 50

Llyfr Blegywryd

50

N aw dẏnẏon a gredir pob vn ẏn| ̷+
wyn tẏstolẏaeth gan tẏghu. Kẏ  ̷+
ntaf ẏỽ; arglỽẏd ẏrỽg ẏ deuwr
trỽẏ na bo ef ẏn gẏfurannaỽc
ar y dadyl neu ar ẏr hẏnn ẏ bo ẏ·mdanaỽ.
ac adef o|r gwẏr rẏ|uot ẏ kẏnhen ẏnn|ẏ w+
ẏd kẏnn o hynnẏ. ac na bỽẏnt vn dull.
Ac o|r gỽatta vn ẏn erbẏn ẏ|llall; dir ẏỽ
idaỽ tygu ẏg gỽẏd ẏr arglỽẏd. Ysbeit
naỽ nieu a|geiff arglỽẏd am|ẏ lỽ. ẏ vedẏl+
ẏaỽ ẏ mod ẏ|tẏgho. Oet ẏssẏd ẏ offeirat
am|ẏ lỽ. hẏt ẏr amser ẏ gallo ganu offeir+
en ẏn gyntaf. Eil dẏn ẏỽ; abbat rỽg ẏ
deu|vẏnach. Trẏdẏd ẏỽ; tat ẏ·rỽg ẏ|deu
vab. gan dodi ẏ laỽ ar benn ẏ mab ẏ|tẏgho
ẏnn|ẏ erbẏn. A|thẏgu mal hẏnn. Mẏn duỽ
a|m crewẏs o|tat. a|thitheu ohonnaf inhev;
gỽir a|diwedaf|i ẏrot ti a|th vraỽt. Petwe+
rẏd ẏỽ; braỽdỽr ẏrỽg deu dẏn a|uỽẏnt
ẏn amrẏsson am ẏ|varn a|rodassei ef vdu+
nt gẏnn o|hẏnnẏ. Pẏmhet ẏỽ; mach.
am ẏ|vechni kẏfuadef ẏrỽg deu dẏn
pan diwatto rann o|e vechni. ac adef rann
arall. whechet ẏỽ; offeirat ẏrỽg deu dẏn
o|blỽẏf. am ẏr hẏnn a|tẏstẏssant idaỽ kẏn