Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 49

Llyfr Blegywryd

49

kadarnhau eu tẏstolẏaeth megys y tyst+
ỽẏt vdunt. Os tẏgant ac na lysser wy+
nt. ẏr haỽlỽr a oruẏd. O|r pallant wynt+
eu; ẏr amdiffẏnnỽr a|oruẏd. Hyspys yw y
meae gỽedẏ llỽ ẏ|dẏlẏ ẏr amdiffynnwr ll+
ẏssu tẏston. Os kẏnn llỽ ẏ|llẏssa; ẏ|dadẏl
a|gẏll. TRi achaỽs ẏssẏd ẏ|lẏssu tẏston;
vn ẏỽ; galanas heb ẏmdifuỽẏn. Eil ẏỽ;
o|vot dadẏl am|tir ẏr·rẏdunt heb ẏ|ther  ̷+
uẏnu. Trẏdẏd ẏỽ; kamaruer o|vn o|wre  ̷+
ic ẏ|llall. Os eu llẏssu a|ellir; palledic vẏd+
ant. Onnẏ ellir; tẏston diball vẏdant.
Tẏston a ellir ẏ|gỽrthneu pan dechreuh+
ont eu tẏstolẏaeth oc eu seuẏll. megẏs
na bo reit eu llẏssu. Ac vellẏ gỽẏbẏdẏeit.
nẏt amgen. no|thrỽẏ obẏr. neu trỽẏ eu
bot ẏn gẏfrannaỽc ar ẏr hẏnn ẏ|bo ẏ|dadẏl
ẏmdanaỽ. neu o|torri ffẏd ẏn gẏfadef.
neu o anudon kẏhoedaỽc. neu lletrat kẏf+
adef. neu o|vot ẏnn|ẏsgẏmun geir ẏ|enỽ.
O|r gellir proui hẏnnẏ trỽẏ wlat. eu gỽr+
thneu a|ffẏnna. Yg|kẏfureith rufein ẏ|ke  ̷+
ffir; ẏ|lle nẏt enwher rif tẏston. digaỽn
ẏỽ deu|tẏst. Y|gẏfreith honn a|dẏweit
nat cỽbẏl tẏstolẏaeth vn tẏst.