Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 45

Llyfr Blegywryd

45

ẏnho. Wẏthuet ẏỽ; rodi ẏ|tan ẏ|r neb a
losco ac ef. Naỽuet ẏỽ; edrẏch ẏ|llosc
gan ẏ odef. Pỽẏ|bẏnnac a|watto vn o|r
affeiffeitheu* hẏnn. rodet lỽ degwẏr
a|deugeint. Y neb a|latho tan. neu a| ̷
whẏtho. neu a|rotho tan ẏ|r neb a|losco
ac ef. hanner |tan ẏ collet a|wnnel
ẏ tan a|tal. a|r hanner arall a|dẏsgẏnn
ar||neb a|e|dotto. ẏ|tan ẏ|mẏỽn ẏr hẏn
a|loscer. A|hỽnnỽ ẏỽ cỽbẏl weithret
llosc. Ac onnẏ bẏd neb arall ẏn affei+
thaỽl gẏt ac ef. talet e|hun oll ẏ|coll  ̷+
et a|del o|r|llosc hỽnnỽ onnẏ dichaỽn
ẏmdiheuraỽ trỽẏ reith a gwlat.
K Ẏntaf ẏỽ; o|naỽ affeitheu lle+
trat; amkanu ỽrth getẏm+
deith ẏr|hẏnn a|geisser ẏn lle+
trat. Eil yỽ; duunaỽ am ẏ
lletrat. Trẏdẏd ẏỽ; Rodi kẏ+
ghor y ledratta. Petwerẏd ẏỽ; mẏnet
ẏg|ketẏmdeithas leidẏr pan el ẏ|lettra+
ta. Pẏmhet ẏỽ; mẏnet ẏ|mẏỽn ẏ|tref
ẏgẏt a lleidẏr. a thorri ẏ|tẏ neu||r bua+
rth. Seithuet ẏỽ; kerdet dẏd. neu nos.
gẏt a|r lletrat. Wẏthuet ẏỽ; kẏmrẏt