LlGC Llsgr. 24049 (Boston 5) – tudalen 41
Llyfr Blegywryd
41
G werth dẏn a|lather. ẏn|teir rann ẏ|re ̷+
nnir ar ẏr rei a|e talho. Ẏ rann gẏnt+
af a|dẏsgẏn ar|ẏ|lloffurud. a|e|tat. a|e
vam. a|e|vrodẏr. a|e whiorẏd. A|r dỽẏ rann er+
eill ar|ẏ|genedẏl. Ẏ|rann gẏntaf vrẏ a|renn+
ir ẏn teir rann. vn ar|lloffurud e|hunan.
A|r dỽẏ rann ereill. ar|ẏ|vam. a|e|tat. a|e|vro ̷+
dẏr. a|e whiorẏd. Ac o|r gwẏr hẏnnẏ; kẏm ̷+
eint a|tal pob|vn a|e gilẏd. ac vellẏ o|r gỽra+
ged. eithẏr na|thal gỽreic namẏn kẏmei ̷+
nt a|hanher rann gỽr. A|rann gẏntaf honn;
ẏ vam. ac ẏ|tat. ac ẏ vrodẏr. ac ẏ|whioryd
ẏ neb a|lather ẏ|telir. a|e sarhaet vellẏ. ka+
nẏ ellir llad neb heb sarhaet. Ẏ|dỽẏ rann
a dodet o|r dechreu ar genedẏl ẏ|lloffurud;
a rennir ẏn teir rann; ẏ|dỽẏ ar|genedẏl ẏ
tat. a|r trẏded rann ar genedẏl ẏ|vam.
Ẏ|kẏurẏỽ gereint a|talhỽẏnt alanas ẏ+
gẏt a|r|llofurud; ẏ keffẏllẏbẏon o|bleit
ẏ|dẏn a|lather. a|e herbẏnnẏant o|r gorhen ̷+
gaỽ hẏt ẏ|gorchaỽ. VAl hẏnn ẏdd|enw ̷+
ir achoed kenedẏl a|dẏlẏhỽẏnt talu gal ̷+
anas. neu gẏmrẏt tal. Kẏntaf ach o|r n+
aỽ ẏỽ; tat. a|mam. ẏ llofurud. neu ẏ|llad+
| « p 40 | p 42 » |