Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 4

Llyfr Blegywryd

4

a|r pasc. a|r sulgỽẏnn. BRenhines a|dẏlẏ
caffel ẏ gan ẏ|brenhin o|r ennill a|del idaỽ o|e
tir. Ac val hẏnnẏ ẏ|dẏlẏant sỽẏdogẏon
|vrenhines caffel traẏan o|r ennill ẏ gan
sỽẏdogẏon ẏ|brenhin. Kẏlch a|dẏlẏ ẏ|v+
renhines. a|r|morẏnẏon. a|r|meibon ar
vilaeineit ẏ|brenhin. pan el ẏ|brenhin
|maes o|e tir e|hun. Gỽerth brenhin 
tal ẏ|sarharet teir gỽeith gan tri ard+
ẏrchauel. Teir sarhaet brenhin ẏnt;
Vn ẏỽ. torri ẏ|naỽd; llad dẏn ar naỽd ẏ
brenhin. Eil ẏỽ; pan el deu vrenhin ar eu
kẏffẏnẏd ẏ|vẏnu ẏmaruoll; o|r lledir
dẏn ẏn eu gỽẏd. sarhaet brenhin ẏỽ.
Trẏdẏd ẏỽ; kamaruer o|e wreic. TRi
rẏỽ sarhaet ẏssẏd ẏ|bop gwreicaỽdgwr gwreigiawc. vn
ẏỽ ẏ|taraỽ ar||gorff. Eil ẏỽ; bot bot a+
rall ẏg|kamaruer o|e wreic. Trẏdẏd ẏỽ;
torri naỽd dẏn a|allo rodi naỽd ẏ arall
trỽẏ gẏfreith. BAl* hẏnn ẏ telir sarh+
aet brenhin. cann mu ẏg|kẏfeir pob ca+
ntref o|e arglỽẏdiaeth. a|gỽialen arẏ+
ant kẏhẏt ac o|r llaỽr hẏt ẏg|geneu