Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 28

Llyfr Blegywryd

28

ffant gẏlch ar vilaeineit ẏ|brenhin. Ac
vellẏ ẏn|heydref tra helẏont geirỽ. O|r pan
dechreuhont helẏ hẏt naỽuettẏd mei;
nẏt atteb ẏ|neb a|e holo onnẏt vn o|r sỽẏ+
dogẏon vẏd. Ẏr hebogẏdẏon. a|r guastra+
ỽdẏon. a|r kẏnẏdẏon. kẏlch a gaffant ar
vilaeineit ẏ|brenhin. a hẏnnẏ ar wahan.
Ẏr|hebogẏd vn·weith tra geisso hebogeu.
a|llamẏstenot kẏlch a|geiff. Gobẏr ẏ ve+
rch ẏỽ punt. ẏ|chowẏll ẏỽ; teir punt. 
heguedi ẏỽ; seith punt. Ebediỽ penkẏn+
ẏd ẏỽ; punt a|hanner. 
G Was ẏstauell nẏt oes le dilis idaỽ
ẏnn|ẏ neuad. Kannẏs ef bieu ca+
dỽ gỽelẏ ẏ|brenhin. a gỽnneuthur
y negesseu rỽg ẏ neuad a|r|ẏstauell. Ẏ|tir
a geiff ẏn rẏd. a|e varch ẏ|gan ẏ|brenhin.
Rann gwr o arẏant ẏ guestuaeu a|geiff. Ef bi+
eu gwneuthur guelẏ ẏ brenhin. a|e|tanu.
y verch vn vreint vẏd; a|merch ẏ pen·gua+
strawt. Ẏ|ebediỽ ẏỽ; punt a hanner. Gỽas
ystauell a|geiff gỽiscoed ẏ|brenhin pann