Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 27

Llyfr Blegywryd

27

Ac ef ẏỽ vn o|r dẏnẏon ẏ|traẏanha brenhin
idaỽ. Nẏ|chẏmellir ẏ|penkẏnẏd ẏ|ỽrtheb ẏ
neb o vn dadẏl. namẏn ẏ ỽn o|r sỽẏdogẏon
llẏs. Ef a geiff ẏ gan gẏnẏdẏon ẏ|gellgỽn
ran deu wẏr o|r crỽẏn. A|ran gỽr ẏ|gan g+
ẏnẏdẏon ẏ|milgỽn. KẎlch a geiff ẏ penn+
kẏnẏd ar vilaeineit ẏ brenhin. a|r kẏnẏ+
dẏon ganthaỽ. gỽedẏ rannhont ẏ|crỽẏn.
A|r nadolẏc ẏ deuant ẏgẏt ẏ gẏmrẏt eu
breint. ac eu dẏlẏet ẏ gan ẏ brenhin o
gẏfreith. Ẏ|le a|uẏd ẏnn|ẏ neuad gẏfrar+
ỽẏneb a|r brenhin. o vẏỽn ẏ|golofẏn. a|r
kẏnẏdẏon ẏgẏt ac ef. Corneit o lyn a
geiff ẏ gan ẏ|brenhin. ac arall y gan y
vrenhines. A|r trẏdẏd ẏ|gan ẏ|distein neu
ẏ penteulu. Seic. a chorneit o|lẏn yn y
ancỽẏn a geiff ẏnn|ẏ letẏ. Ac a|geiff tray+
an dirỽẏeu. a|chamlẏrẏeu. ac ebediweu
a gobreu. merchet ẏ kẏnẏdẏon Gyt
a|r brenhin ẏ|bẏdant ẏ kẏnẏdẏon o r Na+
dolẏc hẏt pan dechreuhont helẏ ewigot
ẏ gỽanhỽẏn. Ac ẏna tra helẏhont y ca+