Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 23

Llyfr Blegywryd

23

ẏgnat kẏmhỽt. hỽnnỽ bieu deturyt.
Onnẏ bẏd hỽnnỽ; ẏr ẏgnat a|e datcanna+
ỽd gẏnt a|e deturẏt ẏna o gẏfreith. Sef
achaỽs ẏỽ hẏnnẏ; rac annuunaỽ o|r ẏg+
neit. ac am dẏwedut o gẏfreith mae na+
ỽuet dẏn a|gredir ẏ|tẏstolẏaeth e|hun ẏỽ
braỽdỽr am|ẏ vraỽt rỽg dỽẏ bleit o|r by+
d amrẏsson ẏrẏdunt. Nẏ ellir heuẏt ẏ+
mỽẏstlaỽ a|neb am varnn. onnẏt a|r|neb
a|e datkano. kannẏs guedẏ datcanu barn;
|mae rodi gỽẏstẏl ẏnn|ẏ erbẏn. TRi a+
mheu braỽt ẏssẏd; vn ẏỽ. bot amrẏsson
rỽg haỽlỽr. ac amdiffẏnnỽr. am|ẏ varn a
rodet vdunt. Ac ẏna ẏ|mae ẏ|doosparth
ar||braỽdỽr a|e rodassei. Eil ẏỽ; bot amr+
ẏsson rỽg haỽlỽr a|braỽdỽr. ac ẏmỽẏst+
laỽ am|ẏ varn. Trẏdẏd ẏỽ; bot ẏmỽẏst+
laỽ rỽg amdiffẏnnỽr a|braỽdỽr am|ẏ vra+
ỽt. Ac am|ẏ deu ẏmỽẏstlaỽ hẏnnẏ. ẏt+
uẏd ẏ dosbarth a|r|aỽdurdaỽt llẏthẏraỽl.
Kanẏs diledẏf gẏffredin vẏd ẏr|aỽdurdaỽt.
Sef ẏỽ hẏnnẏ; braỽtlẏuẏr.