Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 180

Llyfr Blegywryd

180

mab vot ẏn arglỽẏd ar||tat o gẏureith.
Oes. o deruẏd ẏ|vchelỽr rodi ẏ|verch |ỽr
ẏ alltut e|hun. a bot plant meibon vdu+
nt. A|gỽedẏ hẏnnẏ marỽ ẏ|vchelỽr. a|cha+
ffel o|veibon ẏr alltut mamỽẏs o|tir ẏ  ̷
hentat. ẏ rei hẏnnẏ a|vẏdant arglỽẏ+
dẏ|ar eu tat. A Oes vn alanas nẏ dẏlẏ+
ho vot affeith idi. Oes. o|r llad anẏueil
dẏn; hỽnnỽ ẏỽ ẏ|llofrud. A oes vn an  ̷+
ẏueil ẏ|dẏlẏher vot dan ẏ teithi vẏth;
Oes. Hỽch rẏderic. A oes vn lle ẏ|dẏccer
ẏsgrybẏl o e gỽarchae heb talu. heb
wẏstlaỽ. Oes. o deruẏd ẏ|dẏn gadel ẏ ẏt
heb vedi. hẏt galan gaẏaf. A gỽedẏ hẏn+
nẏ dala ẏsgrẏbẏl arnaỽ. ẏna ẏ|dẏlẏ ẏ
deilat talu naỽ|vgeint arẏant ẏ|r ar+
glỽẏd. A|gollỽg ẏr ẏsgrẏbẏl ẏn rẏd.
A oes vn dẏn a|uo mỽẏ gỽerth ẏ laỽ no|e
eneit. Oes. caeth. A oes talaỽdẏr di+
dal. A mach digẏmell. A haỽlỽr eneit+
vadeu. Oes. o|deruẏd ẏ|dẏn adaỽ ẏ|dẏn
arall; da. am drẏchweithret* nyt am  ̷+
gen. noc ẏr llad dyn. a rodi mach ar|
da hỽnnỽ. A gỽneuthur ẏ|gyfla·uan
ohonaw. a|bot negẏdẏaeth gan ẏ