Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 173

Llyfr Blegywryd

173

idi ẏnn|ẏsgriuenedic. a|dẏlẏir ẏ chablu
hẏnnẏ gẏfunont ẏ|pendeuic a|e wlat
|dileu honno gan ossot arall teilẏg+
ach. Odẏna pan ẏmỽẏstlont ẏr amdi+
ffeẏnnỽr a|r braỽdỽr o bop parth erbẏn
ẏn erbẏn. Os ẏ|braỽdỽr a dichaỽn dan  ̷+
gos ẏ vraỽt ef ẏg|kẏureith ysgriue+
nedic. neu ẏ|cheffelẏp. megẏs na aallo
ẏr amdiffẏnnỽr dangos arall wrthỽẏ+
neb idi. a|uo teilẏgach ẏg|kẏureith
ẏsgriuenedic. ẏ braỽdỽr a oruẏd. On+
nys dichaỽn ef a|oruẏdir. N|seif
neb amdiffẏnn. ac nẏ|thẏccẏa ẏ am+
diffẏnnỽr. onnẏ bẏd amseraỽl ẏnn|
dadẏl herỽẏd cof llẏs. A|gỽir. herỽẏd
deturẏt gỽlat. ac a berthẏno ẏn brio+
daỽl herỽẏd kẏureith yn erbẏn haỽ+
lỽr. ar|ẏ dadyl yr honn ẏ dẏwetter.
Pop gỽat hagen gan tygu cỽbẏl
a vẏd digaỽn y|r gỽadỽr. ac ẏ|reithỽr.
ac attoeth kẏnnẏ bo gỽir. kẏnnẏ allo
gỽir a|chyureith kẏt·gerdet ẏm pob
lle. kẏt kẏt·gerdont ẏn vẏnẏch.
Pỽẏ|bẏnnac a|dẏỽetto ar||brenhin.
neu ar|neb o|e|bleit. ae sỽẏd. ae am+