LlGC Llsgr. 24049 (Boston 5) – tudalen 153
Llyfr Blegywryd
153
Whecheinnaỽc a|tal. Hẏt galan wheur+
aỽr; wẏth geinnaỽc a|tal. O|hẏnnẏ hẏt
galan mei; dec a|tal. O|hẏnnẏ hẏt aỽst;
deudec a|tal. Hẏt galan racuẏr; pedeir ̷
ar|dec a tal. Hẏt galan whefraỽr; vn
ar|bẏmthec a|tal. Hẏt galan mei; deu+
naỽ a|tal. Hẏt aỽst; vgeint a|tal. Eil d ̷+
ẏd aỽst; pedeir keinnaỽc a chwanecce ̷+
ir arnaỽ. Hẏt galan racuẏr; whech ar
hugeint. Hẏt galan whefraỽr; wẏth
ar|hugeint. hyt galan mei; dec ar|hu+
geint. Naỽuettẏd mei teithi kẏnffli+
th a|dẏlyir ẏ|ofẏn ohonnei. Ac ẏnn|ẏ
dẏd hỽnnỽ ẏd achwanecceir vn ar|bẏ+
mthec arnei. nẏ* amgen no gỽerth ẏ
llaeth. Ac ẏna wiẏth a|deugeint a|tal.
Hẏt galan whefraỽr; deudec a deugeint.
Eil dẏd whefraỽr pedeir keinnaỽc a|dẏr+
cheif arnei. Kalan mei; trugeint a|tal.
Ac ẏna buch gỽbẏl vẏd. Teithi buch
ẏỽ; dec ar|hugeint. pedeir ar|hugeint
dros ẏ llaeth. A|phedeir. A|whecheinna ̷+
ỽc dros ẏ llo. Teithi kẏnfflith ẏỽ; vn
ar|bẏmthec; dros ẏ llaeth. A phedeir dr+
os ẏ|llo. Dros laeth wẏthnos keinhaỽc.
| « p 152 | p 154 » |