Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 144

Llyfr Blegywryd

144

A|r llaỽ deheu ẏ|r geilwat. Y|nneb a|gudẏ+
ho dim ẏ|mẏỽn daẏar dẏn arall trỽy g  ̷+
lad. perchen ẏ|tir bieiuẏd ẏ|gudua. o·nnẏt
eurgraỽn vẏd. Kannẏs brenhin bieu pob
eurgraỽn kudẏedic. A phedeir keinnaỽc
kẏureith o|agori daẏar. Y|nneb a|glado
annel ẏ|mẏỽn tir dẏn arall; perchen ẏ
tir a|geiff gantaỽ pedeir keinnaỽc kẏfreith.
dros a·gori daẏar a|r|bỽẏstuil a|dalher ẏn  ̷+
daỽ heuẏt. Y neb a|ỽnel pỽll odẏn ar|tir
dyn arall heb ẏ|gannat; perchen y tir bi  ̷+
eiuẏd ẏr odẏn. A|phedeir keinnawc kyfreith.
o agori daẏar. A|thri buhẏn camlwrw y r
brenhin. Y neb a|dẏcco ẏ|rỽẏt  mwyn
auon nẏ|s pieiffo; traẏan ẏ|pẏsgawt a g+
eiff. A|r deuparth ẏ berchen ẏr avon.
N ẏ cheiff neb penkenedẏlaeth
nac eissed·ẏn arbennic ar|tir.
na sỽẏd ar vreint tir o|bleit
mam. kẏn kanhatter ran o
tir idaỽ. o|bẏd o|bleit tat a|e dẏlẏho. Tei+
lygach eissoes eu kaffel o|dẏn o|bleit
mam ẏ rei hẏnnẏ; noc eu kaffel o estr+
an. Ot ẏmrỽẏm gỽreic ỽrth ỽr
heb gẏghor ẏ|chenedẏl; ẏ|plant a enillo