Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 138

Llyfr Blegywryd

138

gwystler nẏ dẏgỽẏdant vẏth. Odẏn+
a kymeret pob braỽt eissẏn* ac wẏth erỽ. A|r mab
ieuhaf a|rann. Ac o|hẏnnaf ẏ|gilẏd de+
wis hyt at ẏ ieuhaf. Teir gỽeith ẏ
renhir yr vn tref·tat ẏrỽg teir grad
kenedyl ẏn gẏntaf ẏrỽg brodẏr. Eil+
weith rwg keuenderỽ. Trẏded weith
rwg kyuerderỽ. odẏna nẏt oes ran
briawt ar tir. NẎ dẏlẏ neb gouẏn
atran onẏt ẏ|neb nẏ chauas rann
dewis odynna ẏ|dẏarheb ẏssẏd; nẏt
oes warthal gan deỽis. NẎ cheiff ne+
b tir y gyt etiued. megẏs ẏ vraỽt. neu
y gefynderỽ. neu ẏ gẏuerderỽ gan
y ofyn trwẏ ẏr vn kẏt·etiued hỽnn
a vei varw heb etiued idaỽ o|e gorff.
namyn gan ẏ ouẏn trỽẏ vn o|e rẏe+
ni a uu perchen ẏ|r tir hỽnnỽ hẏt ẏ
varw ae tat. ae|hentat. ae gorhentat
Y tir hwnnỽ a|geiff os ef nessaf kar
y r marw Gỽedẏ ranho brodẏr tref
eu tat yrydunt; o|r bẏd marỽ vn oho+
nunt heb etiued o|e|gorff. neu ẏ|gy+
t etiued hẏt geiuẏn ẏ|brenhin a
vyd etiued o|r tir hỽnnỽ. Megẏs