Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 135

Llyfr Blegywryd

135

vẏd ampriodaỽr. Ẏr vn hagen a|vẏd prio+
daỽr ar datanud cỽbẏl. Kannẏt priaỽt
|neb namẏn ẏ|r braỽt hẏnaf o|r brod  ̷+
ẏr oll. BReint oet ẏ|braỽt hẏnaf
a|wna ẏ brodẏr ieuaf ẏn ampriodor  ̷+
ẏon. Ac a|e gỽna ẏnteu ẏn vn prioda  ̷+
ỽr ar datanud o gỽbẏl. O|r daỽ ẏ|rei ie  ̷+
uaf kẏn·noc ef a|chaffel datanud. pẏ
brẏt|bẏnnac ẏ del ẏnteu ef a|e gỽrthl  ̷+
ad oll. Ac a geiff datanud o|gỽbẏl. Os
ẏgẏt ẏ gouẏnant ẏgẏt ẏ|kaffant
mal ẏ|dẏwetpỽẏt vrẏ. Y braỽt hẏ  ̷+
naf heuẏt ẏssẏd vab kẏsseuiaỽl*. Ac
ieuhaf ẏssẏd eil ẏ haỽl. Ac ỽrth hẏn  ̷+
nẏ ẏ|dẏỽedir. nẏ eill ẏr eil datanud gỽ+
rthlad ẏ kẏntaf. Ẏr holl vrodorẏon ie  ̷+
uhaf ampriodorẏon ẏnt ar gaffel da+
tanud cỽbẏl. kẏt caffo pob vn ẏ|ran.
Ac ỽrth hẏnnẏ ẏ|dẏỽedir; nẏ wrthot
ampriaỽt. ampriaỽt arall. Deudẏd
ẏssẏd; nẏt amgen. naỽuettẏd racu  ̷+
ẏr. a|naỽuettẏd mei. ẏ|dẏlẏir dechreu
gouẏn etiuedẏaeth o|tir trỽẏ ach ẏn  ̷+
dunt. kannẏs os o|vaes ẏ|r dydẏeu hẏ  ̷+
nnẏ ẏ dechreuir ẏ rẏỽ ovẏn hỽnnỽ;