Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 121

Llyfr Blegywryd

121

uod. Ac nẏ|chẏll dim o|e hiaỽn ẏ|gan ẏ
neb a|e|duc. Ac nẏ|thal ẏ|hamobẏr ẏ|r
arglỽẏd. O|R|a gwreic hagen ẏn lla+
thrud o anuod ẏ|chenedẏl; nẏ eill neb
|hattwẏn o|e hanuod rac ẏ|gỽr. O|r lle
|bo ẏ|hattlam ẏ|telir ẏ|hambobẏr. G ̷ ̷+
reic a dẏccer lathrut. ac nẏ wnel am+
ot ẏg gwẏd tẏston ar gaffel iawn o
gwbẏl. nẏ cheiff herwẏd gwẏr gwẏn+
ed onnẏt tri eidon. Herỽẏd gwẏr ẏ|de+
heu hi a|gaffei gẏnt ẏ|hegỽedi ẏn|hoỻa+
ỽl. megys gwreic a|rothei ẏ|chenedẏl
|wr. Y neb a|dẏcco morỽẏn ẏn llath+
rut. A|dẏwedut o|r vorwẏn pẏ|veint a
rodẏ di ẏmi. A|dẏwedut ohonnaỽ. Mi
a|rodaf itt ẏ veint honn. A chẏdarnhav
hẏnnẏ ar ẏ gret. Ac vch benn creireu.
Os gwatta gỽedẏ hẏnnẏ. Kẏmeret
hi ẏ creireu. a|thẏget idaỽ adaỽ ẏ veint
honno. Ac vellẏ nẏ eill dim ẏnn|ẏ her+
bẏn. kannẏs credadỽẏ ẏỽ ẏ|thẏstolẏ+
aeth e|hunan ẏnn|ẏ lle hỽnnỽ. Y neb
a|dẏcco treis ar wreic. ẏ|hamobẏr a|e
dirỽẏ a|dal ẏ|r arglỽẏd. Ac ẏ|r wreic
tal ẏ sarhaet. A|e hegỽedi. a|e dilẏssrỽẏd.