Breudwd Rhyddiaith Gymraeg 1300-1425
English

Llsgr. Bodorgan – tudalen 91

Llyfr Cyfnerth

91

rỽy lliỽ y pren. deudec keinhaỽc. Kynllyvan
olreat; ỽyth geinhaỽc. kyfreith. Torch milgi 
brenhin; ỽyth geinhaỽc. kyfreith. Torch milgi
breyr; pedeir keinhaỽc. kyfreith. Kynllyfan
milgi brenhin; pedeir keinhaỽc. kyfreith. Kyn  ̷+
llyfan milgi breyr; dỽy geinhaỽc. kyfreith. Offer
gof; wheugeint a| tal. G·radell; ỽyth geinhaỽc
.kyfreith. Peir brenhin; punt. Y gycwein; pedeir
ar hugeint. Kallaỽr brenhin; wheugeint.
y gicwein; deu·dec keinhaỽc. Teir breyr; whe  ̷+
vgeint. Y gicwein; deu·dec keinhaỽc. Kallaỽr
breyr; trugeint. y gicwein; pedeir keinhaỽc.
.kyfreith. Telyn penkerd; wheugeint. Y chywe  ̷+
irgorn; pedeir keinhaỽc  ar hugeint a| tal.
Gre|gyfreithaỽl; dec kassec ar hugeint ac ys  ̷+
talỽyn. Preid warthec gyfreithaỽl; pedeir
bu ar hugeint a tharỽ.
E Neb a torho aradyr ar tir dyn arall; talet
idaỽ aradyr newyd ac aradỽy naỽ diwar  ̷+
naỽt. Gỽerth aradyr; dỽy geinhaỽc. kyfreith.
Gỽerth aradỽy vn dyd; dỽy geinhaỽc. kyfreith. Gỽerth
hirieu ae phistlon; keinhaỽc. kyfreith. Jeu arall;
keinhaỽc cota a tal.
UAl hyn y dyly y llogeu dyuot; lloc yr am+