Breudwd Rhyddiaith Gymraeg 1300-1425
English

Llsgr. Bodorgan – tudalen 85

Llyfr Cyfnerth

85

Ebediỽ gỽr ryd; yỽ weugeint. Ebediỽ 
gỽassanaethỽr arglỽyd; wheugeint.
Ebediỽ tayaỽc; ỽyth a phetwar vgeint. Ac
o|r byd eglỽys ar tir; wheugeint a tal. yn|y
ebediỽ. Pedeir ar hugeint uyd ebediỽ gỽr
ystauellaỽc. Deudedec* keinhaỽc uyd ebe  ̷+
diỽ gỽreic ystauell.
OR dywedir ar dyn gỽelet lledrat gan  ̷+
taỽ lliỽ dyd goleu. Ac arall yn lliwaỽ
arnaỽ y welet. rodet y neb a enllipper y lỽ
ar y petweryd ar hugeint mal y del kyfnif+
er o pop kymhỽt o|r cantref. Ac ny eill y lli  ̷+
wat dim yn erbyn hynny. Ar gyfreith hon+
no a elwir dogyn wat yn erbyn dogyn vanac.
LLyma mal y dylyir lliwaỽ lledrat yn
gyfreithaỽl. gỽelet o|r lliwat o|r pan vo
goleu y dyd. hyt pan vo kyflychỽr  y dyn
ar lledrat gantaỽ. A thygu o·honaỽ ar porth
y vynwent. Ar eilweith ar drỽs yr eglỽys.
Ar tryded weith vch pen yr allaỽr gyssegyr
MAnagỽr diofredaỽc trỽy tystolyaeth
y periglaỽr o|r daỽ y·gyt a|r colledic yg
gỽyd yr effeirat plỽyf yr eglỽys. Archet
yr offeirat idaỽ ar drỽs yr eglỽys. yr duỽ