Breudwd Rhyddiaith Gymraeg 1300-1425
English

Llsgr. Bodorgan – tudalen 84

Llyfr Cyfnerth

84

y tir a geiff y war thaỽr ol nessaf yr llaỽr
o|r byd hyys y gic.
BEth bynhac a dangosso y dofrethwyr
yr tayogeu y delhont o|e tei. y tayogeu
ae talant o|r collir eithyr gleifeu a chy+
llyll. A llodreu. Eu meirch ỽynteu nys
keidỽ y tayogeu hagen y dyd;  +
      . ỽynt ha+
gen ae talant o|r collir y nos. Cỽynos+
saỽc brenhin a dyly rodi keinhaỽc yr
gỽassanaethwyr yr arbet y uỽyt ae ys+
cubaỽr. Rac| eistedyat cantref nyt am+
gen y troedaỽc. a| tal kerỽyn vragaỽt yr
brenhin pop blỽydyn. Pan vo marỽ dyn
gorwlat ar tir dyn arall; vn ar pymthec
a geiff dros y varỽ tywarchen. ae ebediỽ
oll namyn hynny yr arglỽyd. Llỽ pump
nyn nessaf y werth a watta beich kefyn ony
holir yn lledrat. Llỽ seith nyn nessaf y
werth a watta pỽn march ony holir yn lled+
rat. Deudegwyr a watta gỽerth wheugeint
ony holir yn lledrat. Petwar gỽ yr ar
hugeint a watta gỽerth punt ony holir yn
lledrat. Pvnt yỽ kyfarỽs gỽr ar teulu
yn| y ulỽydyn.