Breudwd Rhyddiaith Gymraeg 1300-1425
English

Llsgr. Bodorgan – tudalen 83

Llyfr Cyfnerth

83

heb tauaỽt. Os diuỽyn a ỽyn ynteu; talet
idi geinhaỽc kyflet ae thin. Teir·gỽeith y dry+
cheif ar sarhaet gỽr pan ymreher y wreic;
Gỽreic ỽryaỽc a odiwether yg godineb; y hegỽe  ̷+
di a gyll. Kyfreith magu ulỽydyn. buch a
mantell a pheis a phenlliein a dỽy escit. A char+
reit o|r yt goreu a tyfho ar tir y gỽr. A phadell troe+
Gỽerth kerỽyn ved a talher yr bre +[ daỽc
nhin. wheugeint. Ar cỽyr a rennir y val
hyn. y trayan yr brenhin. Ar trayan yr neb ae
gỽnel. Ar trayan yr neb ae rotho. Naỽ dyrn+
ued uyd vchet y gerỽyn pan vessurer ar ỽyr o|r
cleis traỽ yr emyl yma.
CRoen ych neu uuch neu garỽ neu ewic
a dyfyrgi neu garlỽg. deudec keinhaỽc a
tal pop vn o hynny. Croen beleu; pedeir ar
hugeint a| tal. Croen llostlydan; wheugeint
a| tal. Y neb a gaffo hỽch coet marỽ ar tir dyn
arall; kymeret ef y wharthaỽr blaen. O pop
gỽyd arall a gaffer yn varỽ ar tir dyn o|r byd hy+
ys y| gic; y wharthaỽr ol a geffir. Os kadno neu
lỽdyn  arall anhyys; keinhaỽc cota a gef  ̷+
fir o|r myn perchennaỽc y tir y croen. O pop gỽ+
ydlỽdyn arall a lather ar tir dyn arall; perchennaỽc