Breudwd Rhyddiaith Gymraeg 1300-1425
English

Llsgr. Bodorgan – tudalen 70

Llyfr Cyfnerth

70

geint a| tal eithyr asgelleit. kany chym+
er hi vreint modrydaf hyt y kalan ga+
yaf rac ỽyneb. Ac yna pedeir ar huge+
int a tal mal y rei ereill.
E Neb a latho kath a warchatto ys+
cubaỽr brenhin. neu ae dycco ledrat
y phen a ossodir y waeret ar laỽr glan.
gỽastat. Ae lloscỽrn a drychefir y vynyd
Ac odyna dineu graỽn gỽenith ym+
danei hyny gudyo blaen y lloscỽrn.
Kath arall; pedeir keinhaỽc. kyfreith. a tal.
Teithi kath. kymeint yỽ ae gỽerth
kyfreith. Teithi kath yỽ y bot yn gyf+
glust gyfiewin. gyflygat gyfdanhed.
gyfloscỽrn ac yn diuan o tan. A llad lly+
got ac nat ysso y|chanaỽn. Ac na bo 
kath deric ar pop lloer.
Ny byd dirỽy am gi kyn dyccer le+
drat namyn kamlỽrỽ. llỽ vn dyn
yssyd digaỽn y wadu ki kanys beich
kefyn yỽ o lỽdyn anhyys. O|r kyrch
ki neb dyn yr keissaỽ y rỽygaỽ. kyt lla+
tho y dyn y ki ac aryf a uo yn| y laỽ ny th+
al   na dirỽy na chamlỽrỽ. O|r