Breudwd Rhyddiaith Gymraeg 1300-1425
English

Llsgr. Bodorgan – tudalen 65

Llyfr Cyfnerth

65

atto dynu; dỽy geinhaỽc. kyfreith. a tal hyt aỽst.
O aỽst allan; pedeir keinhaỽc. kyfreith. a tal.
Teth dauat; dỽy geinhaỽc. kyfreith. a tal. Teithi
dauat; kymeint yỽ ae gỽerth kyfreith.
Dant dauat ae llygat. keinhaỽc. kyfreith. a tal
pop vn. Y neb a wertho deueit. bit y dan+
unt rac tri heint. clafyri. A dỽfyr rud. a lle
derỽ. hyny gaffont eu teir gỽala o|r tauol
y gỽanhỽyn. os gỽedy kalan gayaf y gỽerth.
MYn tra dynho; keinhaỽc cota a tal. O|r
pan atto dynu; hyt aỽst. dỽy geinhaỽc
cota a tal. O aỽst allan; pedeir keinhaỽc cota
a tal. Teth gafyr; dỽy geinhaỽc cota a tal.
Teithi gafyr; kymeint ae gỽerth kyfreith.
Dant gafyr ae llygat. keinhaỽc cota a tal.
pop vn. Y neb a wertho yscrybyl y ll. A ch+
lafyru o·honunt gantaỽ ef. rodet y dyn ae
prynhoes* y lỽ ar y trydyd o wyr vn vreint
ac ef. nas dodes ef ỽynt y myỽn ty y ryffei
clafyri yndaỽ seith mlyned kyn no hynny.
Ac uelly y keiff y da.
Parchell yn|y growyn. keinhaỽc kyfre+
ith a tal. O|r pan el allan hyt pan atto
dynu. dỽy geinhaỽc. kyfreith. a tal. O|r pan at+