Breudwd Rhyddiaith Gymraeg 1300-1425
English

Llsgr. Bodorgan – tudalen 62

Llyfr Cyfnerth

62

vn ar pymthec uyd gỽerth y theithi. Dỽy ge+
inhaỽc heuyt o|r tymhor a gymer. Ac uelly
ỽyth a deu vgeint a| tal hyt aỽst. Odyna hyt
galan racuyr; dec a deu vgeint a tal. hyt ga+
lan whefraỽr; deudec a deu vgeint a| tal. Tra+
noeth dỽy geinhaỽc o|r tymhor. A phedeir
keinhaỽc. kyfreith. o|r eil kyflodaỽt. Ac yna tru+
geint a tal. Corn buch neu ych ae llygat
ae chlust ar lloscỽrn. pedeir keinhaỽc. kyfreith.
a tal pop vn. Teth buch; pedeir keinhaỽc
.kyfreith. a| tal. O|r gỽerth dyn uuch y arall. A bot
teth yr uuch yn diffrỽyth. Ac nas arganffo
y neb ae prynho; talet y neb ae gỽertho pe+
deir keinhaỽc. kyfreith. yr llall pop blỽydyn tra
vo y uuch ar y helỽ. Os ynteu y arall; bit
ryd y kyntaf. kanys y diwethaf ae gỽertho
a wna y dadyl gyffelyp.
O tri mod y telir teithi buch. o dec ar hu+
geint aryant. neu o uuch hesp tec. neu o
vlaỽt. Messur llestyr llaeth buch yỽ. Seith
motued a uyd yn| y vchet pan uessurer ar
ỽyr o|r cleis traỽ yr emyl yma. A their mot+
ued yn llet y| eneu. A their yn llet y waelaỽt
lloneit y llestyr hỽnnỽ yg kyfeir pop godro