Breudwd Rhyddiaith Gymraeg 1300-1425
English

Llsgr. Bodorgan – tudalen 61

Llyfr Cyfnerth

61

Y neb a wertho march; bit dan pori o·honaỽ ac
yuet dỽfyr. Ac na bo llỽygus. Ac o|r byd llỽygus;
dewisset y neb ae gỽertho ae kymryt y varch
trachefyn. Ae eturyt trayan yr gỽerth yr llall.
Pỽy bynhac a differo march rac lladron yn vn
wlat ar perchennaỽc; pedeir keinhaỽc. kyfreith. a
geiff ef yg kyfeir pop buch a talho y march. y
neb a differo buch rac lladron yn vn wlat ae per  ̷+
chennaỽc. pedeir keinhaỽc. kyfreith. a geiff ef.
LLo venyỽ; whech keinhaỽc a| tal  o|r pan
anher hyt galan racuyr. Odyna hyt galan
whefraỽr; ỽyth geinhaỽc a tal. hyt galan mei;
dec a tal. hyt aỽst; deudec a tal. hyt galan rac  ̷+
uyr; pedeir ar dec a| tal. hyt galan whefraỽr;
vn ar pymthec a tal. hyt galan mei; deu·naỽ
a| tal. hyt aỽst; vgeint a| tal. Trannoeth dỽy
geinhaỽc o|r tymhor. A phedeir o|e chyflodaỽt
a drycheif arnei. Ac yna chwech ar hugeint
a| tal. hyt galan racuyr. hyt galan whefraỽr;
ỽyth ar hugeint a tal. hyt galan mei; dec ar
hugeint a tal. Naỽuetdyd mei y dyly bot
yn teithiaỽl dyuot llaeth o pen pop teth idi.
Ac ymdeith o|e llo naỽ kam yn| y hol. Ac ony
byd uelly hi nyt teithiaỽl. Ac ony byd teithiaỽl;