Breudwd Rhyddiaith Gymraeg 1300-1425
English

Llsgr. Bodorgan – tudalen 60

Llyfr Cyfnerth

60

ac yn drychafel ynt ac eidon eithyr eu teithi.
Teithi march tom neu gassec yỽ dỽyn a
lluscaỽ karr yn allt ac yg waeret. A hynny
yn dirỽysc. Y neb a gymero march a llygru
y gefyn hyny dygỽydho y bleỽ yn hagyr. pe+
deir keinhaỽc kyfreith a| tal y perchennaỽc y
march. O|r hỽydha y gefyn hagen o atlo hen+
llỽgyr. A thorri croen hyt y kic; ỽyth geinhaỽc
kyfreith a tal. Ony byd henllỽgyr arnaỽ a th+
orri croen a chic hyt ascỽrn; vn ar pymthec
kyfreith a tal. Y neb a watto llad amỽs neu
palfre yn lledrat. rodet lỽ petwar gỽyr ar hu+
geint. Kassec reỽys; whe vgeint a tal. y raỽn
ae chlust ae llygat; whech keinhaỽc kyfre+
ith a tal pop vn o·honunt. Pỽy bynhac a
varchocco march heb ganhat y pherchenna+
ỽc; talet pedeir keinhaỽc escyn. A phedeir dis+
cyn. A phedeir yg kyfeir pop rantir y kertho
drostaỽ y perchennaỽc y march. A thri buhyn
camlỽrỽ yr brenhin. Y neb a wertho march
neu gassec; bit dan gleuyt o|e myỽn. nyt
amgen tri bore rac y dera. A thri mis rac yr ys+
cefeint. A blỽydyn rac y llyn meirch. Anaf
o vaes; bit ar y neb ae prynho y hedrych.