Breudwd Rhyddiaith Gymraeg 1300-1425
English

Llsgr. Bodorgan – tudalen 59

Llyfr Cyfnerth

59

mei yth a deu vgeint a tal. Dỽy ulỽyd uyd
yna. Odyna hyt aỽst; trugeint a tal. kanys
deudec keinhaỽc a drycheif arnaỽ pop tym+
hor odyna hyt galan mei. Ac yna teir blỽyd
uyd. Sef a| tal yna vn ar pymthec a phetwar
vgeint. y dyd y dalher; vgeint a drycheif ar  ̷+
naỽ. Pan ffrỽynher; pedeir keinhaỽc a dodir
ar yr hyn gynt. Ac yna wheugeint a tal.
Ammỽs a pascer whech ỽythnos vch pen 
presseb; punt a tal. Ammỽs yn pori allan a
milgi heb y torch; colli eu breint a wnant.
Pedeir ar hugeint a tal iaỽn amỽs o|r trych+
ir y maes o|r goloren. O|r trychir dim o|r golo  ̷+
ren hagen; gỽerth yr amỽs oll a telir yna. A
dilis uyd y march yr neb ae hanafỽys. LLygat
amỽs ae glust; pedeir ar hugeint a tal pop
vn. Rỽnsi; wheu vgeint a| tal. Raỽn rỽnsi
deudec keinhaỽc a tal o|r trychir y maes o|r go  ̷+
loren. O|r trychir dim o|r goloren; hagen; gỽerth
y rỽnsi oll a telir yna. A dilis uyd y rỽnsi yr neb
ae prynỽys. LLygat rỽnsi ae glust; deudec
keinhaỽc a tal pop vn o·honunt. Palfre;
morch a tal. Vn werth y aelodeu ac aelodeu
rỽnsi. March tom neu gassec tom; vn werth