Breudwd Rhyddiaith Gymraeg 1300-1425
English

Llsgr. Bodorgan – tudalen 54

Llyfr Cyfnerth

54

kyfreith o agori dayar ar gudua onyt eurgra+
ỽn uyd. kanys brenhin bieu pop eurgraỽn.
Y neb a gudyo annel y myỽn tir dyn arall
heb y ganhat; talet pedeir keinhaỽc. kyfreith. o
agori dayar y perchennaỽc y tir ar llỽdyn a
gaffer yndaỽ heuyt. O|r cledir pỽll odyn
ar tir dyn arall heb y| ganhat; talet pedeir
keinhaỽc. kyfreith. y perchennaỽc y tir. A thri bu+
hyn camlỽrỽ yr brenhin. Y neb a wnel ty
ar tir dyn arall heb y ganhat; talet tri bu+
hyn camlỽrỽ yr brenhin. A phedeir keinhaỽc
.kyfreith. am agori dayar y perchennaỽc y tir ar
ty heuyt os ar y tir y lladỽyt gỽyd y ty. Onyt
ar y tir hỽnnỽ y  lladỽyt; tyget ar y try+
dyd o wyr vn vreint ac ef. A thorret y ty yn
gyfuch ar dayar. A dyget y ty y ymdeith y| ar
y tir. Ac onys dỽc erbyn y naỽuetdyd; perch+
ennaỽc y tir bieiuyd.
Y neb a holho tir eglỽyssic; nyt reit idaỽ ar+
hos naỽuetdyd. namyn agoret uyd gỽir id+
aỽ pan y mynho. Ny cheiff neb o parth mam
eissydyn arbenhic na sỽyd o|r byd o parth tat
ae dylyo. Jaỽn yỽ y etiued o parth mam kaf+
fel ran o tir. Gỽreic a ymrotho e| hunan yn