Breudwd Rhyddiaith Gymraeg 1300-1425
English

Llsgr. Bodorgan – tudalen 47

Llyfr Cyfnerth

47

ỽc yr gỽerth. Tryded yỽ etiuedyaeth a gaf+
fer trỽy amot kyfreithaỽl o vod y perch  ̷+
ennaỽc heb werth. Pỽy bynhac a holho
tir o ach etryt. reit yỽ y henaduryeit gỽlat
tygu y ach kyn gỽarandaỽ y haỽl. Pỽy
bynhac a gynhalyo tir teir oes gỽyr yn
vn wlat ar dynyon kyn bont dylyetogyon
oes tat a hentat a gorhentat heb haỽl a
heb arhaỽl. heb losc ty heb torr aradyr;
ny ỽrthebir udunt byth am y tir hỽnnỽ
kan rygayỽys kyfreith y rydunt. O|r
keis dyn ran o tir gan y genedyl gỽedy
hir alltuded; rodet wheugeint yg gobyr
gỽarchadỽ o|r canhadant ran idaỽ. Y tir
a rotho y brenhin y dyn gan iaỽn; nys
attỽc y neb a wledycho gỽedy ef. Pỽy
bynhac a odefho rodi tref y tat y dyn ar+
all yn| y ỽyd heb lud a heb wahard. nys
keiff tra vo byỽ. Pỽy bynhac a holho tir
o|r dỽc y ach ar gogyl mỽy no their·gỽeith;
colledic uyd o|e haỽl. Pop tir a dylyir y
gynhal a llỽ ac a da. Ac ar nys kynhalyo
 . collet y ran. Gỽedy y ranher y tir
hagen; ỽynt a| dylyant ac eu llỽ kynhal