Breudwd Rhyddiaith Gymraeg 1300-1425
English

Llsgr. Bodorgan – tudalen 46

Llyfr Cyfnerth

46

ỽrth yr eil wys neu ỽrth y tryded; gỽrth+
ebet am y tir os iaỽn idaỽ. A thalet tri
buhyn camlỽrỽ yr brenhin am om+
ed gỽys. Y neb a talho gobyr estyn
am tir; ny thal hỽnnỽ ebediỽ gan iaỽn
Pan dechreuher kynhen am teruynu
tired neu trefyd. os y·rỽg tir y llys a thir
y wlat y dechreuir; llys a teruynha. Os
y·rỽg tir eglỽys a thir y wlat; eglỽys a
teruynha. Os y·rỽg  kytetiuedyon;
breint a teruynha. Os y·rỽg tir kyfaned
a thir diffeith. kynwarchadỽ a teruyna.
Adeil ac aradỽy yỽ kyfanhed. O|r gỽneir
eglỽys ar tayaỽctref gan ganhat y bren+
hin ac offeirat yn offennu yndi. ryd uyd
y tref honno o hynny allan. O|r kymer
tayaỽc mab breyr arvaeth. gan ganhat
y arglỽyd; kyfrannaỽc uyd y mab hỽnnỽ
ar tref  tat y tayaỽc mal vn o|e vei+
bon y tayaỽc. Teir etiued yssyd kyfreith+
aỽl ac  a trigyant yn dilys yr etiuedy+
on. Vn yỽ etifedyaeth trỽy dylyet o ple+
it ryeni. Eil yỽ etiuedyaeth a gaffer 
trỽy amot kyfreithaỽl y gan y perchenna+