Breudwd Rhyddiaith Gymraeg 1300-1425
English

Llsgr. Bodorgan – tudalen 45

Llyfr Cyfnerth

45

myn. Ac os gofynant y·gyt; y·gyt y kaffant
mal y dywespỽyt vry. Nyt reit arhos naỽ+
uetdyd am teruynu tir. namyn pan vyn  ̷+
ho y brenhin ae wyrda; teruynadỽy vyd.
Ny dylyir heuyt arhos naỽuetdyd rỽg
priodaỽr ac ampriodaỽr a gynhalyo tir yn| y
TEir gỽeith y rennir tir rỽg [ erbyn
brodoryon. yn gyntaf rỽg brodyr.
Odyna rỽg kefynderỽ. Trydedweith rỽg
kyferderỽ. Odyna nyt oes priaỽt ran ar
tir. Pan ranho brodyr tref eu tat y ryd+
unt; y ieuhaf a geiff yr eissydyn arbenhic
ac ỽyth erỽ ar trefneu oll ar gallaỽr ar uỽ  ̷+
ell gynnut ar cỽlltyr. kany eill tat nat*
eu rodi nac eu kymynnu onyt yr mab ieu+
haf. A chyn gỽystler; ny dygỽydant byth.
Odyna kymeret pop braỽt eissydyn ac ỽyth
erỽ. Ar mab ieuhaf a ran. Ac o hynaf y hy  ̷+
naf bieu dewis. Ny dyly neb gofyn atran
onyt y neb ny chafas dewis. kanyt oes
warthal gan dewis.
OR gomed dyn teir gỽys o pleit y bren+
hin am tir onyt maỽr aghen ae llud.
y tir a rodir yr neb ae holho. O|r daỽ ynteu