Breudwd Rhyddiaith Gymraeg 1300-1425
English

Llsgr. Bodorgan – tudalen 42

Llyfr Cyfnerth

42

Ac odyna rannent eu hamrysson yn deu
hanher y rydunt. Kyn teruynho tref
ar y llall; ny dyly dỽyn rantir y ỽrthi.
Pan teruyno llys; maer a chyghellaỽr.
bieu dangos y theruyneu drosti. Dros
yr eglỽys. bagyl ac euegyl bieu dangos
yr* theruyneu. Hanher punt a daỽ yr bren+
hin pan teruyner tir rỽg dỽy tref. Pan
dycco kyfreith tir y dyn; pedeir ar huge+
int a daỽ yr braỽtwyr. Hanher punt a daỽ
yr brenhin o pop rantir pan y hestynho.
E Neb a vynho kyffroi haỽl am tir o
ach ac etrif; kyffroet yn vn o|r deu+
naỽuetdyd. Ae naỽuetdyd racuyr. Ae naỽ+
uetdyd mei. kanys kyt kyffroer y ryỽ
haỽl  honno y maes o vn o|r naỽuet+
dydyeu hynny; ny thyccya. Y neb a hol+
ho tir yn naỽuetdyd racuyr; braỽt a ge+
iff o·honaỽ kyn naỽuetdyd mei. Ac ony
cheiff braỽt yna; holet yn naỽuetdyd mei
elchỽyl o|r myn erlyn kyfreith. Ac odyna
agoret uyd kyfreith idaỽ pan y mynho y
brenhin. Y neb a holho tir yn naỽuetdyd
racuyr ae hohir am varn trỽy y gayafi*