Breudwd Rhyddiaith Gymraeg 1300-1425
English

Llsgr. Bodorgan – tudalen 39

Llyfr Cyfnerth

39

Yr brenhin y daỽ trayan kymhell pop ga+
lanas. kanys ef bieu kymhell y lle ny allo
kenedyl gymhell. Ac a gaffer o da o|r pryt y
gilyd yr llofrud; penuadeu uyd idaỽ. Gala+
nas tayaỽc brenhin a telir o teir bu a thri
vgein mu gan tri drychafel. Y sarhaet a
telir o teir bu a thri vgeint aryant. Galanas
tayaỽc breyr; hanheraỽc uyd ar alanas tay+
aỽc brenhin. Ac uelly y sarhaet. G·alanas
alltut brenhin; teir bu a thri vgein mu i*
heb drychafel. Y sarhaet yỽ teir bu heb ach  ̷+
wanec. G·alanas alltut breyr; hanheraỽc
uyd ar alanas alltut brenhin. Galanas
alltut tayaỽc; hanheraỽc uyd ar alanas all  ̷+
tut breyr. Ac uelly heuyt y sarhaet.
E Neb a gnithyo dyn. talet  sarhaet y
dyn yn gyntaf. kanys drychaf a gos+
sot yỽ sarhaet dyn. A cheinhaỽc yg kyfeir
pop bys a el yn| y pen. A dỽy geinhaỽc yg
kyfeir y uaỽt. A cheinhaỽc. kyfreith. dros pop
blewyn benwyn a tynher o|e pen. A phe+
deir ar hugeint dros y gỽallt taldrỽch.
Dewisset paỽb y vreint; ae ỽrth vreint
y penkenedyl. Ae ỽrth vreint y tat. Ae