Breudwd Rhyddiaith Gymraeg 1300-1425
English

Llsgr. Bodorgan – tudalen 38

Llyfr Cyfnerth

38

hyscyfarn vyd y hegỽedi. P·edeir bu a phet+
war vgeint ar·yant yỽ sarhaet teuluỽr
brenhin os  hynny yd ymardelỽ. Teir
bu yỽ sarhaet teulu·ỽr breyr nyt amgen
tri buhyn tal  beinc.
GAlanas pen kenedyl yỽ tri naỽ mu a
thri·naỽ vgeint mu gan tri drychaf+
el. Yn| y sarhaet y telir tri naỽ mu a thri+
naỽ vgeint aryant. G·alanas vn o aelo+
deu pen kenedyl nyt amgen noe gar a te+
lir o naỽ mu a naỽ vgeint mu gan tri dry+
chafel. Yn| y sarhaet y keiff naỽ mu a naỽ
vgeint aryant.
GAlanas breyr dissỽyd a telir o whe bu
a whe vgeint mu gan tri drychafel.
yn| y sarhaet y keiff whe bu a whe vgeint
aryant. Galanas bonedic canhỽynaỽl
a telir o teir bu a thri vgeint mu gan tri
drychafel. Yn| y sarhaet y keiff teir bu a|th*
tri vgeint aryant. kymro vam tat uyd
bonhedic canhỽynaỽl heb gaeth a heb all+
tut a heb ledach yndaỽ. Os gỽr breyr vyd
bonhedic canhỽynaỽl pan lather; whe bu
a geiff y breyr o|r alanas y gan y llofrud.