Breudwd Rhyddiaith Gymraeg 1300-1425
English

Llsgr. Bodorgan – tudalen 31

Llyfr Cyfnerth

31

tal. deudec golỽyth breinhyaỽl a uyd yg
kylleic brenhin. Tauaỽt. A thri golỽyth
o|r mynỽgyl. kymhibeu. calon. deulỽ  ̷+
yn. Jar. Tumon. hydgyllen. herỽth. afu.
tri buhyn camlỽrỽ a telir yr brenhin dros
pop golỽyth o hynny. Sef a telir dros
gylleic brenhin pan gyfrifer pop camlỽrỽ
deu vgeint mu. Ny byd golỽython bre  ̷+
inhyaỽl yn hyd brenhin. namyn o ỽyl
giric hyt galan racuyr. Ac ny byd kylle  ̷+
ic ynteu onyt tra vo y golỽython brein  ̷+
haỽl yndaỽ. O|r lledir karỽ brenhin yn
tref breyr y bore; katwet y breyr ef yn
gyfan hyt hanher dyd. Ac ony doant do*+
ant y kynydyon yna; paret y breyr blig  ̷+
aỽ yr hyd a llithyaỽ y kỽn o|r kic. A dyget
y kỽn ar croen ar wharthaỽr ol ar afu.
Ac ony doant y kynydyon y nos honno;
mỽynhaet ef y kic. A chatwet y kỽn ar
croen yr kynydyon. O|r lledir y karỽ am
hanher dyd yn tref y breyr. katwet y bre+
yr ef yn gyfan hyt y nos. Ac ony doant
y nos honno; mỽynhaet y breyr hỽnnỽ
mal yr hỽnn gynt. O|r lledir hyt nos