Breudwd Rhyddiaith Gymraeg 1300-1425
English

Llsgr. Bodorgan – tudalen 30

Llyfr Cyfnerth

30

tayaỽc kyn agori y lygeit; keinhaỽc cota a
tal. Yn| y growyn; y dỽy geinhaỽc cota a
tal. Yn| y gynllỽst; teir keinhaỽc cota
a tal. Pan ellygher yn ryd; pedeir kei+
nhaỽc cota a tal. Kostaỽc kyn bo bren+
hin bieiffo; ny thal eithyr pedeir kein+
haỽc cota. Ac os bugeilgi uyd; eidon tal·a+
dỽy a tal. Ac ot amheuir y vot uelly; tyg+
et perchennaỽc y ki. a chymydaỽc uch y
drỽs. Ac arall is y drỽs raculaenu yr ys+
crybyl y bore. yn mynet y pori. A chadỽ
y dilyryeit y diwedyd. Y neb a diotto lly+
gat gellgi brenhin neu a torro y loscỽrn;
talet pedeir keinhaỽc kyfreith yg kyf+
eir pop buch. a talho y ki. Ki kallaỽued
o|r lledir pellach naỽ kam y ỽrth y drỽs;
ny thelir. O|r lledir ynteu o vyỽn y naỽ
kam; pedeir ar hugeint a tal; Nyt oes
werth kyfreith ar vitheiat. Pop peth
ny bo gỽerth kyfreith arnaỽ; damdỽg
a geffir ymdanaỽ
Pỽy bynhac a defnydyo kylleic bren+
hin; talet tri buhyn camlỽrỽ yr
brenhin. Karỽ ych a tal. Ewic; buch a