Breudwd Rhyddiaith Gymraeg 1300-1425
English

Llsgr. Bodorgan – tudalen 3

Llyfr Cyfnerth

3

a phennaeth arall. Ar neb a| rỽystro y| wre+
ic. Can mil hagen a| telir yn sarhaet y
brenhin yg kyfeir pop cantref o|e teyrn  ̷+
as. A gỽyalen  aryant a gyrhaedo o|r
dayar hyt yn iat y brenhin. pan eistedo
yn| y gadeir kyn refhet ae aranuys. A thri+
ban erni a| thri ydeni kyn refhet ar| wya  ̷+
len. A ffiol eur a anho llaỽn diaỽt y bren  ̷+
hin yndi. kyn teỽhet ac ewin amaeth
a amaetho seith mlyned. A chlaỽr eur
erni kyflet ac ỽyneb y brenhin. kyn teỽ+
het ar ffiol. Breint arglỽyd dinefỽr he+
uyt a tecceir|o warthec gỽynyon a|phen pop
vn ỽrth loscỽrn y llall. A| tharỽ rỽg pop vge  ̷+
int mu o·honunt mal y bo kyflaỽn o ar+
goel hyt yn llys dinefỽr. Sef a telir yg
galanas brenhin. tri chymeint ae sar+
haet gan tri drychafel. O tri mod y ser+
heir y vrenhines. Pan torher y| naỽd. neu
pan traỽher trỽy lit. neu pan tynher
peth o|e llaỽ gan treis. Ac yna trayan ky+
werthyd sarhaet y| brenhin a telir idi heb
eur a heb aryant hagen. Un dyn ar pym+
thec ar hugeint o wyr ar veirch a wedha