Breudwd Rhyddiaith Gymraeg 1300-1425
English

Llsgr. Bodorgan – tudalen 132

Llyfr Cyfnerth

132

tri ardelỽ. geni a meithrin. A chadỽ kyn  
A gỽarant. Os geni a meithrin a geis. dodet
ym pen keitweit bot yn eidaỽ y vam. Ae
eni ae veithrin gantaỽ ef. Ac nat aeth y per*+
ennogaeth arall yr pan anet hyt yna. Sef
ryỽ geitweit uydant. deu·ỽr vreint ac ef.
Val y dyweit braỽtlyfyr howel. A dogyn yỽ
hynny. Os kadỽ kyn coll a dewis yn| y ardelỽ
gỽedy as damdygho y llall yn| y laỽ mal y dy+
wespỽyt uchot. dywedet yr amdiffynnỽr bot
y da hỽnnỽ gantaỽ ef ae dyd ae deu ae ỽyth+
nos a pytheỽnos ae* mis ae tymhor ae blỽyd+
yn yn gynt noc y kollassei y llall y da. A bot id+
aỽ keitweit kyfreithaỽl ar vot yn wir a dy+
weit. A dogyn yỽ idaỽ hynny. Os arwassaf a de+
wis. dywedet y arwassaf. Ac o byd yn| y maes
kymeret attaỽ os myn. A bit ryd ynteu. Ac os
kymer yr arwassaf. damdyget yr haỽlỽr y  
Ac ynteu bieu keissaỽ arall. y da marwaỽl
nyt oes namyn deu ardelỽ. kadỽ kyn coll.
Ae gỽarant.
Tri ryỽ varn tremyc yssyd. Vn yỽ barn a
rother yn erbyn dyn ac ny bo y dyn yn| y gỽa+
randaỽ pan y datgano y braỽtỽr yn| y llys.