Breudwd Rhyddiaith Gymraeg 1300-1425
English

Llsgr. Bodorgan – tudalen 129

Llyfr Cyfnerth

129

erbyn y etiued y arall onyt ar eu kyt les neu
o|e gyttuundeb neu o aghen kyfreithaỽl.
na rodi dim y arall o·honaỽ ar yspeit heb ter+
uyn gossodedic y gallo yr etiued y dillỽg.
OS tros da y rodir rac aghen gan na dotter
arnaỽ namyn deuparth y werth. onyt uelly
y byd. yr etiued ae keiff o|r dichaỽn atteb dro+
staỽ yn gyfreithaỽl. Y neb a gaffo tir trỽy
ymhyaỽl yn llys a| thrỽy varn. Ac na allei am  ̷+
gen y| gaffel. ny dyly talu prit drostaỽ. Ac ny
dyly gollỽg dim o da kyffro  a odiwe  ̷+
tho ar y tir yr kynhalaỽdyr. Y neb a bressỽyl  ̷+
ho ar tir dyn arall heb y ganhat tros tri·dieu
a their·nos. holl da kyffro hỽnnỽ. perchen  ̷+
naỽc y tir bieiuyd yn dilis os ardiwed ar y tir.
BEth bynhac nyt yscrifennỽyt y myỽn
kyfreith o|r a aller trỽy dylyet y gyffe  ̷+
lybu yr hyn a yscrifennỽyt yn ossodedic. kyn  ̷+
halyadỽy uyd yn lle kyfreith yn| y dadleuoed.
kany ellir yscriffennu pop peth o|r a vo reit
y dywedut neu y varnu. Kyfreith heuyt
a dyweit. O|r kyffelybyon; kyffelyp varn
a dylyir. Pỽy bynhac a watto sarhaet heb