Breudwd Rhyddiaith Gymraeg 1300-1425
English

Llsgr. Bodorgan – tudalen 126

Llyfr Cyfnerth

126

wir dogyn waet. Gỽerth pop gỽaet; pede+
ir ar hugeint na brenhin na breyr nac e+
illt a vrather. O|r gỽedir y gỽaet kyntaf;
llỽ naỽ nyn ae gỽatta. Eil gỽaet a wedir o
lỽ whe dyn. Y trydyd gỽaet; tri dyn ae gỽat+
ta. Ac nyt mỽy ac nyt llei gỽerth gỽerth*
gỽaet noe gilyd. Teir telyn kyfreithaỽl
yssyd. telyn brenhin. A thelyn penkerd;
wheugeint a tal pop vn o|r dỽy. A thelyn
vchelỽr. trugeint a| tal. Tri anhebcor bre  ̷+
hyr; y telyn. ae vryccan. ae gallaỽr. Tri
anhebcor tayaỽc. y gafyn traet. ae troth  ̷+
eu. Ae talbren. Tri chyfrỽch dirgel a dy+
ly y brenhin eu kaffel heb y vraỽtỽr. gyt
ae wreic. A chyt ae effeirat. A chyt ae vedyc.
Tri charrgychwyn heb attychwel. gỽre  ̷+
ic gỽedy yd yscarho ae gỽr yn gyfreithaỽl
A chyssỽyn·vab gỽedy gỽatter. A gỽr
gỽedy gỽahanher yn gyfreithaỽl ae tir.
Tri chof gỽedy braỽt yssyd. godef o vra+
ỽtỽr rodi gỽystyl yn erbyn y vraỽt heb rodi gỽy+
ystyl yna yn| y erbyn. A gỽedy hynny kyn  ̷+
nic gỽystyl y gadarnhau y vraỽt. ny dyly+
ir y erbynyaỽ o gyfreith. neu gynnic gỽ+