Breudwd Rhyddiaith Gymraeg 1300-1425
English

Llsgr. Bodorgan – tudalen 123

Llyfr Cyfnerth

123

y gymhell reith gỽlat y gantaỽ. O|r
gỽedir haỽl a defnydyer o amryfalyon
achỽysson. trỽy vn reith a perthyno yr
achaỽs mỽyhaf o|r haỽl y gỽedir yr haỽl
oll. kanys pop vn haỽl. Vn reith a dyly
yny gỽatter.
O Tri mod y telir dirỽy treis. Vn yỽ
pan pallo reith dyn yn gỽadu treis.
Eil yỽ pan pallo y amdiffyn y dyn  +
 yn dadyl treis. Trydyd yỽ pan pallo
y warant y dyn ae galwo yn dadyl tre+
is. O tri mod y kyll dadyl treis y breint
mỽyhaf. oc na wnelher y theithi. Ac
o tystolyaeth vywaỽl yn dadyl treis.
Ac o gỽynaỽ o|r haỽlỽr dỽyn o|e eidaỽ ef
yr hyn a dyccit y treis rac arall. ac nyt
y gantaỽ ef. nyt mỽy hagen y reith ef
yn| y phỽnc hynny no llỽ tri dyn. Ac nyt
mỽy y| dial no chamlỽrỽ ony ellir y wadu
yn gỽbyl neu y amdiffyn. Un o tri
pheth a gyll y neb a treisser. Ae y dyn.
Ae y tir neu y da arall kychwynnaỽl.
Ae y vreint. Tri ryỽ amdiffyn yssyd;
Vn yỽ nat attepper yn an amseryaỽl yr