Breudwd Rhyddiaith Gymraeg 1300-1425
English

Llsgr. Bodorgan – tudalen 122

Llyfr Cyfnerth

122

O Teir fford y mae kadarnach gỽybydy+
eit no thyston. Vn o·honunt gallu i
dỽyn llawer o ỽybydyeit am yr vn peth
yg kyfreith neu vn gỽybydyat megys
mach. Ac ny ellir dỽyn na mỽy na llei
no deu o|r tyston. Eil yỽ gallu dirỽyaỽ
dyn neu y werthu trỽy ỽybydyeit. Ac
ny ellir trỽy tyston o gyfreith. Tryd+
yd yỽ gỽybydyeit a allant profi yn er+
byn gỽat ac amdiffyn. Ac nys digaỽn
tyston. Tri ryỽ vanac yssyd. Ac am pop
vn o·honunt y dylyir gossot reith gỽl+
at ar dyn am ledrat. Vn yỽ dyuot y
colledic ar managỽr gyt ac ef a tygho
yn erbyn arall clybot a gỽybot arnaỽ
y lledrat. Eil yỽ tygu o|r managỽr gỽe+
let a gỽybot arnaỽ y lledrat. A hỽnnỽ
yỽ y lliỽ. Trydyd yỽ. lludyaỽ rac dyn ke+
issaỽ y da a gollassei yn| y lle y typpyei y
vot. Ny dyly neb rodi reith gỽlat am
ledrat heb vn o|r manageu hynny y+
n| y erbyn onyt pallu a wna o lỽ gỽeil+
yd yr colledic. o|r palla hagen nyt reit
  manac arnaỽ namyn hynny.