Llsgr. Bodorgan – tudalen 112
Llyfr Cyfnerth
112
Tri gỽaet digyfreith yssyd. gỽaet o pen
crach. A gỽaet deint. A gỽaet ffroen. o ̷+
ny threwir trỽy lit. Tri than digyfre ̷+
ith yssid. tan godeith o hanher maỽrth
hyt hanher ebrill. A than enein tref+
gord. A than geueil a vo naỽ kam y
ỽrth y tref a| tho banadyl neu tywarch er+
ni. Tri edyn y dyly y brenhin eu gỽerth
py tu bynhac y llather. eryr. a garan.
a chicuran. perchennaỽc y tir y llather
arnaỽ a dyly. dec a deu vgeint y gan
y neb ae llatho. Tri phryf y dyly y bre ̷+
nhin eu gỽerth py tu bynhac y llather.
llostlydan. a beleu. a charlỽnc.
kanys oc eu crỽyn y gỽneir a
maerỽyeu y dillat y brenhin.
Tri pheth ny at kyfreith eu damdỽg.
blaỽt. a gỽenyn. ac aryant. kanys kyf+
felyp a geffir udunt. Teir cont kyfre ̷+
ithaỽl yssyd. cont gast. a chont kath.
A chont gỽiweir. kanys dillỽg ac ellỽg a
allant pan vynhont. Tri phren ryd yn
fforest brenhin. pren crip eglỽys. A phren
peleidyr a elhont yn reit y brenhin a ph+
| « p 111 | p 113 » |