Breudwd Rhyddiaith Gymraeg 1300-1425
English

Llsgr. Bodorgan – tudalen 106

Llyfr Cyfnerth

106

Trydyd petwar yỽ. petwar dyn nyt oes
naỽd udunt rac y brenhin nac yn llys nac
yn llan. Vn yỽ dyn a torho naỽd y brenhin
yn vn o|r teir gỽyl arbenhic. Eil yỽ dyn a
ỽystler o|e vod y|r brenhin. Trydyd yỽ y gỽ+
ynnosaỽc. dyn a dylyo porthi y brenhin ac
ae gatto y nos honno heb uỽyt. Petweryd
TEir kyflauan os gỽna [ yỽ y gaeth.
dyn yn| y wlat y dyly y vab colli tref
y tref o|e hachaỽs o gyfreith. llad y arglỽ  ̷+
yd. A llad y penkenedyl. A llad y teispan tyle.
rac trymhet y kyflauaneu hynny. Tri
thawedaỽc gorsed; arglỽyd gỽir yn gỽar+
andaỽ ar y wyrda yn barnu eu kyfreitheu.
Ac ygnat yn gỽarandaỽ haỽl ac atteb. A
mach yn gỽarandaỽ haỽlỽr ac amdiffyn+
nỽr yn ymatteb.
TRi gỽanas gỽayỽ kyfreithaỽl yn dad+
leu. vn yỽ. gỽan y arllost yn| y dayar ac
vn llaỽ. hyny vo abreid y tynnu a dỽy laỽ.
Eil yỽ gỽan y pen y myỽn tỽyn hyny gudhio
y mỽn. Trydyd yỽ y dodi ar lỽyn a uo kyfuch
a gỽr. Ac ony byd yn vn o|r tri gỽanas hynny
A mynet dyn arnaỽ mal y bo marỽ; trayan