Breudwd Rhyddiaith Gymraeg 1300-1425
English

Llsgr. Bodorgan – tudalen 105

Llyfr Cyfnerth

105

Tri anhebcor brenhin ynt. y effeirat teulu.
Ae ygnat llys. Ae teulu. Tri pheth ny
chyfran brenhin a neb. y eurgraỽn. A he  ̷+
baỽc ae lleidyr.
TRi phetwar yssyd. petwar achaỽs
yd ymhoelir braỽt. o ofyn gỽr kat  ̷+
arn. A chas galon. A charyat kyfeillon.
A serch da. Eil petwar yssyd; pedeir tar  ̷+
yan a a rỽg dyn a reith gỽlat rac haỽl le  ̷+
drat. Vn yỽ kadỽ gỽesti yn gyfreithaỽl.
nyt amgen noe gadỽ o pryt gorchyfaerỽy.
hyt y bore. A dodi y laỽ drostaỽ teir·gỽeith
y nos honno. A hynny tygu o·honaỽ a dy+
nyon y ty gantaỽ. Eil yỽ geni a meithrin
tygu o|r pechennaỽc* ar y trydyd o wyr vn
vreint ac ef gỽelet geni yr aneueil ae
veithrin ar y helỽ heb y vynet teir·nos
y ỽrthaỽ. Trydyd yỽ gỽarant. Petwe  ̷+
red yỽ kadỽ kyn coll. A hynny tygu o|r
dyn ar y trydyd o wyr vn vreint ac ef.
kyn colli o|r llall y da bot y da hỽnnỽ ar y
helỽ ef. Nyt oes warant namyn hyt ar
teir llaỽ. Gỽneuthur o|r tryded laỽ kadỽ
kyn coll a hynny a differ dyn rac lledrat.