Breudwd Rhyddiaith Gymraeg 1300-1425
English

Llsgr. Bodorgan – tudalen 100

Llyfr Cyfnerth

100

y bo kyfreithaỽl idaỽ. Ac yna kymeret y llall
y creir. A gỽadet ar y lỽ. A llysset y tyst. Ac ody+
na edrycher ae cỽbyl y llyssỽyt. Y neb a lysso
tyst kyn dỽyn y tystolyaeth; collet y dadyl.
A lysso tyst; llysset kyn kilyaỽ y tyst y ỽrth y
creir gỽedy tygho y tystolyaeth. Ac onys
llyssa yna; bit sauedic y tyst. Tyst ar tyst;
ny byd oet ymdanaỽ. Un rym yỽ gỽybyd+
yeit a thyston a chystal a allant ym pop dad+
yl. A gỽell yn dadyl tir a dayar. Oet tyston
neu warant kywlat; naỽ diwarnaỽt. Oet
tyston neu warant tra mor; vn dyd a blỽ+
ydyn. Oet tyston neu warant gorwlat;
pytheỽnos. Oet tyston warant neu vn gym+
hỽt; tri·dieu. Y neb a uinho* diuỽynaỽ tystol+
yaeth; ae varwaỽl; aet yn erbyn y tyston yn
gyntaf ar eu geir. Ac odyna gỽedy tyghont eu
llỽ; tyget ynteu nat tyst kyfreithaỽl arnaỽ
ac enwet yr achaỽs  . A dywedet
tygu anudon o·honaỽ. A thystet y deu·ỽr
nat aeth y tyst yn erbyn yr achaỽs y llyssỽyt.
A|r deu hynny gỽrthtyston y gelwir. A dilis
uydant. Galỽ gỽybydyeit a ellir yr am+
ser y mynho y neb ae galwo ae kyn gỽat ae