Breudwd Rhyddiaith Gymraeg 1300-1425
English

Llsgr. Bodorgan – tudalen 10

Llyfr Cyfnerth

10

coc ar trullyat ar sỽydỽr llys. O|r pan dot+
to y distein o|e seuyll naỽd duỽ a naỽd y bre+
nhin ar vrenhines ar sỽydogyon. A torho
y naỽd honno nyt oes idaỽ naỽd nac yn
llys nac yn llan onyt gan sant y eglỽys.
kyfrannaỽc uyd y distein ar pedeir sỽyd
ar hugeint y llys. Dỽy ran a geiff y| diste+
in o|r gỽestuaeu. Gobyr a geiff y distein o
pop sỽyd llys pan y rotho y brenhin. Croen
hyd a geiff ef yn hydref y wneuthur llestri
y gadỽ fioleu y brenhin ae gyrn. Distein a dy+
ly gossot bỽyt a llyn geir bron y brenhin yn| y
teir gỽyl arbenhig. Ef bieu kyhyt ae hir+
uys ar ỽyneb y| gỽadaỽt o|r cỽrỽf. Ac o|r bra+
gaỽt hyt y kygỽg perued. Ac o|r med hyt
y kygỽg eithaf. Distein bieu trayan drỽy
dirỽy a chamlỽrỽ y sỽydwyr. Y neb a wnel
kam yg kynted y neuad os deila y distein
ef ỽrth gyfreith; trayan y dirỽy neu y kam+
lỽrỽ a geiff y distein. Distein bieu dros y
brenhin pan vo reith arnaỽ. Ef yỽ y trydy
dyn a gynheil breint llys yn aỽssen y bren+
hin. Punt yỽ gobyr y verch. Teir punt y+
n| y chowyll. Seith punt yn| y hegỽedi.