Breudwd Rhyddiaith Gymraeg 1300-1425
English

LlB Llsgr. Ychwanegol 19,709 – tudalen 54v

Brut y Brenhinoedd

54v

y|r nifer hvnnv. kymryt y|fo a|wnaeth yny doeth hẏt
y dinas e|hun. a|ỻawer a|syrthvys yna o|pop parth.
ac eissoes yr yskymun vudugolyaeth honno a gafas
y|saesson. ac yr hynny eissoes ny ladassant ỽrtheyrn
namyn y garcharu a|wnaethant a|chymeỻ arnav rodi
vdunt y dinassoed a|r kasteỻ a ỻeoed kadarn yn ynys
.prydein. yr y eỻỽg. ac yna y rodes gvrtheyrn vdunt pop
peth ẏr y eỻvg. ac yna y kymerth y saesson y gantaỽ  ̷
lundein a|chaer efravc a|lincol a chaer wynt gan  ̷
lad eu kivdaỽtwyr megys y ỻadei vleideu deueit
gvedy ys|adavhei eu bugeil. a gvedy kymryt
kedernit y gantaỽ ac aruoỻ yd eỻygvyt. a gỽedy
gvelet o ỽrtheyrn y druan aerua honno ar y|pri+
odoryon y gan yr yskymyn bobyl. Sef a oruc yn+
teu kilyaỽ parth ac ymyỻeu kymry. kany ỽy+
dyat beth a|wnaei yn erbyn yr yskymun bobyl
A  galỽ a oruc gvrtheyrn attav hoỻ [ honno
doethon a henafduryeit yr ynys. a gofyn
vdunt beth a|wnaei vrth hynny. ac yna y kygho+
ret idaỽ adeilat kasteỻ kadarnaf a aỻei yn|y ỻe
kadarnhaf a gaffei. megys y bei hvnnỽ yn am+
diffyn idaỽ kan coỻassei oỻ y ỻeoed kadarn o|e
gyfoeth. a gỽedy crvydraỽ ohonaỽ ỻawer o|leoed
y geissaỽ y ryỽ·le hvnnv. o|r diwed y doeth hyt
y|mynyd eryri. a gvedy kaffel ohonaỽ ỻe y bu
adas gantav y|wneuthur y casteỻ. kynuỻaỽ a
wnaethpỽyt hoỻ seiri mein o|r a aỻỽyt y gaffel